रंग लागो रे ढोला
चित्त लागो रे
म्हारी मेहंदड़ी रौ
भूरो रंग लाल
म्हारा बालमा रंग लागो
आठ टका रे लागै रोकड़ा
म्हारे कोई रे दिसावर जाय
म्हारा बालमा रंग लागो
रंग लागो रे ढोला
चित्त लागो रे
छांणा रे चुगती ए छोकरी
म्हांरे देवे नीं घरां रा समाचार
म्हारा बालमा रंग लागो
रंग लागो रे ढोला
चित्त लागो रे
जाए कोडीले नै इयां कह्या
थांरी गौरादे उडावै काळा काग
म्हारा बालमा रंग लागो
रंग लागो रे ढोला
चित्त लागो रे
जाए ढोले जी नै इयां कह्या
थांरी गौरादे नों
डस ग्यो काळो नाग
म्हारा बालमा रंग लागो
रंग लागो रे ढोला
चित्त लागो रे
