लेली केह हूं तो लाडकी
घणा भाईयां री बाई
पींचे जेड़ो मनां खामद मिळियो
वन मों आ’न रुळाई
केह लेली मांजी अमरकोट सां आई
हरिये बागां रा पींचा जी
तैं वन मों आ’न रुळाई
जोधाणे सां धाणा मंगाया
सुरो तंडे रौ तेल रे
लेली बाई रे हमें जूंआं घणै रे
बेगी पीयरिये पी मेल
केह लेली मांजी अमरकोट सां आई
हरिये बागां रा पींचा जी
तैं वन मों आ’न रुळाई
परदारां रौ घाघरो सिड़ाय दां
कांणी-कोजी कोई मतै कह्या
कोई मतै काढ्या कूंप
केह लेली मांजी अमराणै सां आई
हरिये बागां रा पींचा जी
तैं उडते पांख बजाई
लेली बाई रौ पडळो मोलावां
पांच घाघरा मंई
लेली रे बाई रे बियां मों
नौ मण मेहंदी लगाई
केह लेली मांजी अमराणै सां आई
हरिये बागां रा पींचा जी
तैं उडते पांख बजाई
