केशरिया बालम आवौ नी, पधारो म्हारे देश
पधारो म्हारे देश, आवो म्हारे देश
केशरिया बालम...
मारू थारे देश में निपजे तीन रतन
एक ढोला, दूजी मरवण, तीजों कसुबंल रंग
केशरिया बालम...
केशर सूं पगला धोंवती, घरे पधारो जी
और बधाई क्या करूं पल-पल वारु जी
केशरिया बालम...
आम्बा मिठ्ठी आम्ली, चोसर मिठ्ठी छाछ
महला मिठ्ठी कामणी, रण मिठ्ठी तलवार
नैणा मिठ्ठी कामणी, रण मिठ्ठी तलवार
केशरिया बालम...
पधारो म्हारे देश, आवो म्हारे देश
केशरिया बालम...।
(संदर्भ – राजस्थान रौ राज्य गीत, मैमाण रै स्वागत में गावण रौ गीत)
