बाई सा रा बीरा, जयपुर जायजो जी
आता तो लायजो, तारां री चुन्दड़ी
सुन्दर गौरी भांत बतावो जी
कसिक ल्यावां तारां री चुन्दड़ी
बाई सा रा बीरा, हरिया हरिया पल्ला जी
कसुमल रंग की तारां री चुन्दड़ी
म्हारी मिरगा नैणी ओढ़ बतावो जी
कसिक सोवे तारां री चुन्दड़ी
बाई सा रा बीरा, नणद हठीली जी
ओढ़ण नहीं दे तारां री चुन्दड़ी
म्हारी चंदा बदनी ओढ़ बतावो जी
महलां में निरखां जाळी री चुन्दड़ी
बाई सा रा बीरा, जयपुर जायजो जी
आता तो लायजो, तारां री चुन्दड़ी
