घड़ल्यो घड़े पर टोकणी ऐ
ऐ माई मेरी गयी-गयी समद तळाब
कुवे पर एकली ऐ
घड़ल्यो तो डूबे ना टोकणी ऐ
ऐ माई मेरी ईंडोणी तो तीर- तीर जाए
नणद भोजाई पाणी निसरी ऐ
ऐ माई मेरी गयी-गयी समद तळाव
कुवे पार एकली ऐ
भोजाई भर पाछी बावड़ी ऐ
ऐ माई मेरी नणदूली ने मिले गयो श्याम
कुवे पर एकली ऐ
गेले तो जाणे हाले रे छोकरा रे
हां रे म्हारो भरियो तो घड़लो उठाय
कुवे पर एकली ऐ
भरियो तो घड़ल्यो उठास्यां ऐ
गोरी ऐ एक तू बात बताए
कुवे पर एकली ऐ
रात घणी अण खावनी ऐ
गोरी ऐ दे दियो पिव छिटकाए
कुवे पर एकली ऐ
रात घणी अण खावनी ऐ
छैला म्हारो परणयो बसे परदेश
कुवे पर एकली ऐ
कूण ते तो आया छैला पावणा ऐ
छैला कूण जी रा आया लणिहार
कुवे पर एकली ये
सुसरोजी रे आया गोरी पावणा ऐ
गोरी ऐ थारा तो आया लणीहार
कुवे पर एकली ऐ
कुवे पर एकली ऐ
