वीरा रे चोवटे ने पेरायो, चौरासी सरायो,
मायरो पेराओ पहला म्हारे सेरिया में,
पाड़ौसी सरायो मायरो।
वीरा ओ पहली म्हारा सासूजी ने पेराओ,
सुसराजी सरायो मायरो।
वीरा ओ पहली म्हारी जेठाणी ने पेराओ,
जेठसा सरायो मायरो।
वीरा ओ पहली म्हारी दौराणी ने पेराओ,
देवर सा सरायो मायरो।
वीरा ओ पहली म्हारी नणदल ने पेरायो,
नणदोई सा सराओ मायरो।
चीरा ओ पहली म्हारी बहिनां ने पेराओ,
बन्दोई सा सरायो मायरो।
बाई मल म्हारी बेन वांयड़ली पसार।
बाई गरबी, गरबी, के थारे पूतड़लारो राज?
के थारे धन को गरबो। बीरा ओ पुत्र परमेश्वर को माल,
धन को कई गरबो?
बाई ए मल म्हारी बायडली पसार,
जामण रो जायो अबे मिलियो।
