लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
आठ कुआ नौ बावड़ी जी
म्हारो भूरियौ तिसायौ जावै ओ सा
म्हारो गोरबंध लूंबाळो
लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
देराण्यां-जेठाण्या मिल गोरबंध गूंथ्यो
बीकाणै रे राईके पोयो जी
म्हारो गोरबंध लूंबाळो
लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
भूरियौ ऊंट म्हारो
ककोळा सूं बांध्यो
म्हारो तेलियौ बळाका खावै जी
म्हारो गोरबंध लूंबाळो
लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
जलाले-बिलाले री जांन चढ़ी है
म्हारो भूरियौ उगाळ्यौ जावै ओ जी
म्हारो गोरबंध लूंबाळो
लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
एकर आभल पाणीड़ो ई पा दे
लारै तो बेरीड़ा आवै ओ सा
म्हारो गोरबंध लूंबाळो
लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
दिल्ली स्हैर सूं कोडा मंगाया
खारोड़ै समंद सूं कोडा मंगाया
बाजूड़ै री लूंब पुवाई जी
म्हारो गोरबंध लूंबाळो
लड़ लूंबाळो बादीला
जड़ झूंबाळो आलीजा
म्हारो गोरबंध लूंबाळो
