पान नंई तोड़्या
फळ नंई खाया
नंई कोई जीव सताया
डाळी- डाळी रमै रामियौ
कौन बेस फळ खाया
रे माई म्हैं गुण गोविंद रा गाया
गंगा म्हैं नंई नहाई
मथुरा नंई नहाई
नंई कोई तीरथ कर्या
घट-घट में रे गंगा जी उलटी
ओथ निरत में लाया
रे माई म्हैं तो गुण गोविंद रा गाया
दवा नंई लीन्ही
फाकी नंई लीन्ही
नंई कोई वैद बुलाया
म्हांरो गुरु सा बण्या भेदिया
उसकी नबज जगाया
रे माई म्हैं तो गुण गोविंद रा गाया
कहत कबीर
सुणो भाई साधू!
इया स्वरुप में बताया
रे माई म्हैं तो गुण गोविंद रा गाया
