बनी थारी चोटी कणी रे गूंथी?
म्हारी चोटी गूंथी ओ म्हारी माता सुजान।
म्हारी चोटी ओ गूंथी म्हारी काक्यां सुजान।
थारी माता रो चाकर, ए थारी काक्यां रो चाकर ए।
बनी थारी चोटी कणी रे गूंथी?
म्हारी चोटी गूंथी ओ म्हारी माम्यां सुजान।
म्हारी चोटी ओ गूंथी ओ म्हारी बेनां सुजान।
थारी चोटी में कामण ए बनी।
थारी चोटी कणी रे गूंथी?
म्हारी चोटी गूंथी ओ म्हारी भूवा सुजान।
म्हारी चोटी गूंथी ओ म्हारी मास्याँ सुजान।
थारी चोटी में कामण ए बनी।
थारी चोटी कणी रे गूथी?
