पोसाळ स्टेज में राखीज्योड़ै 'तीन सदियां री जातरा' नांव रै इण सत्र में वक्ता रै रूप में कवि-आलोचक-नाटककार डॉ. अर्जुन देव चारण, इतिहासकार-संपादक हुकम सिंह भाटी, राजस्थानी सबदकोस रा पर्यवेक्षक-संपादक सादिक मोहम्मद, राजस्थानी-हिंदी रा ठावा पढेसरी प्रोफ़ेसर महिपालसिंह राठौड़ सामिल हा। इण सत्र में सामिल वक्तावां राजस्थानी साहित्य री तीन सदियां(16 वीं, 17 वीं, 18 वीं) रा महताऊ पांवडा अरथाया अर उणरी परंपरा नै पोखणियां पुरखां री बानगी भी दीन्ही। डॉ. अर्जुन देव चारण कह्यौ कै—"राजस्थानी साहित्य परंपरा रा अे तीन सौ साल बड़ा महताऊ अर सिमरधता सूं भरियोड़ा है। जे कोई राजस्थानी री पूरी जातरा नै समझणौ चावै तो उणनै आं तीन सौ सालां री विरासत नै लेय'र समझ सकै।" सत्र रा संचालक प्रोफ़ेसर ललित कुमार पंवार मंचस्थ मैमांणां अर श्रोतावां रौ धन्यवाद कर'नै सत्र रौ समापन करियौ। #Anjas #AnjasMahotsav Facebook: https://www.facebook.com/anjasrajasthani Instagram: https://www.instagram.com/anjasrajasthani/ Twitter: https://twitter.com/anjasrajasthani Literature Website: https://anjas.org/ Festival Website: https://anjasmahotsav.org/ ___________________________________________________________________________________ अंजस कांई? अंजस राजस्थान री कला, साहित्य अर संस्कृति रो कोस है जिणमें सामिल है— कविता, कथा, कहाणी, बातां, ख्यातां अर लोक रो फूटरापौ। आ खेचळ रेख्ता फाउंडेशन कीन्ही है। अंजस रा अंग अबार इण खेचळ रा कैई न्यारा-न्यारा अंग है: जूनौ कोस: 13वीं सदी सूं ले’र 19वीं सदी रै लिखित साहित्य रो कोस। नूवौ कोस: सन् 1900 सूं आज तांई री लिख्योड़ै साहित्य रो कोस। वाचिक परंपरावां रो कोस जिण मांय सामिल रैसी लोक कथा, लोक गीत, औखाणा, संस्मरण इत्याद। अंजस महोत्सव: राजस्थानी भासा अर साहित्य रो वार्षिकोत्सव। भविख री बाट अंजस राजस्थानी भासा रो सगळा सूं लूंठो कोस बण’र त्यार होवैला अेड़ी आसा है। ओ कोस राजस्थानी पाठक वर्ग नै पूरै रूप सूं बिन्या कोई पैसां रै सब जिग्यां उपलब्ध रैवैला। आ खेचळ कितरी सारथक होवै इण बात री साख तो राजस्थानी रो आखौ पाठक वर्ग तै करेला, पण आपरी सिमरधता रै साथै जारी राजस्थानी रो पैलो उपक्रम है।