संत सिद्ध देवोजी
जसनाथी संप्रदाय रा संत।
जसनाथी संप्रदाय रा संत।
सिद्ध देवोजी जसनाथी संप्रदाय रा महताऊ संत हुया। वां री भासा-सैली अर सबदां रो विधान अैड़ो सांतरो है कै वो अजेलग लोक री जुबान माथै चढ्योड़ौ है। सिद्ध देवोजी रा सबद गावण जोग है। वै सत्रहवैं सइकै रै सरुआती बगत मांय हुया। देवोजी नागौर रै करणू गांव रा रैवासी हा अर सिद्ध दूदोजी रा सिस्य हा। वां संवत 1724 में आपरै गांव मांय समाधी लीनी। सिद्ध देवोजी केई रचनावां रो सिरजण कर्यो जिणमें गुणमाला, देसूंटो, ओळबो, नारायणलीला, घरतपुराण, सुरज लीला, देवोजी रो ज्ञान अर सबद आद खास है।