कल्याणदास मेहड़ू
मध्यकाल रा प्रसिद्ध कवि जाड़ा मेहड़ू रा पुत्र।
मध्यकाल रा प्रसिद्ध कवि जाड़ा मेहड़ू रा पुत्र।
’राव रतन री वेलि’ जैड़ी चावी रचना रा रचयिता कल्याणदास मेहड़ू मध्यकाल रा प्रसिद्ध कवि जाड़ा मेहड़ू रा पुत्र हा अर जोधपुर महाराजा गजसिंह रा समकालीन हा। कल्याणदास मेहड़ू बूंदी रा वीर सासक राव रतन हाडा रौ जस-वरणाव करण वाळी रचना ’राव रतन री वेलि’ रौ सिरजण कर्यौ। आ वेलि काव्य-सिल्प री दीठ सूं घणी सिरै कोटि री है अर आकार री दीठ सूं घणी ठाडी है। इणमें अेक सौ इक्कीस छंद है। कल्याणदास मेहड़ू मध्यकाल रा महताऊ कवियां में गिण्या जावै।