लेय कटोरों भाटी, एवड़िये में साँचरियो।
दूध सू कटोरों, भर लायो जियो।
खमा खमा खमा रे, कंवर अजमाल रा, बापजी रो पार,नहीं पायो जियो।
खमा खमा खमा रे, कंवर अजमाल रा॥
दुधड़लो पायो रे हरजी, तीरस घणी लागी।
ठंडो ठंडो पाणीड़ों, पिलाओ जियो।
खमा खमा खमा रे, कंवर अजमाल रा।
बापजी रो पार नहीं पायो जियो।
खमा खमा खमा रे, कंवर अजमाल रा॥
झूठो रे भाटी हरजी, झूठ घणे रो बोले।
पाणी रे नजर म्हाने, आवे जियो।
खमा खमा खमा रे, कंवर अजमाल रा।
बापजी रो पार, नहीं पायो जियो।
खमा खमा खमा रे, कंवर अजमाल रा॥
लेय कटोरों हरजी, निकलंक नाडे पंहुचीयो।
पाणी रो कटोरों, भर लायो जियो।
खमा खमा खमा रे, कंवर अजमाल रा।
बापजी रो पार, नहीं पायो जियो।
खमा खमा खमा रे, कंवर अजमाल रा॥
कपड़े रो घोड़ो रे, दीनो म्हारा बापजी
वीणा रे साथे, खड़ताल जियो।
हरजस गाकर हरजी, जमा रे जगाजो।
भीड़ पड़िया हैलो, आऊँ जियो।
खमा खमा खमा रे, कंवर अजमाल रा।
बापजी रो पार, नहीं पायो जियो।
खमा खमा खमा रे, कंवर अजमाल रा॥
मैं घणी करूँ मनवार, म्हारे घरे हालो नी।
राणी नेतल रा भरतार, म्हारे घरे हालो नी।
हालो नी पधारों नी।
खमा खमा खमा रे, कंवर अजमाल रा।
बापजी रो पार, नहीं पायो जियो।
खमा खमा खमा रे, कंवर अजमाल रा॥
