राजस्थान में ब्याव सूं जुड़्योड़ी न्यारी-न्यारी रीत-रिवाजां है अर उणां रा न्यारा-न्यारा ही गीत है। ब्याव सूं केई दिन पैली बिनायक (बान) बेठाणैं वाळै दिन बन्नै अर बन्नी नै पाट माथै बेठाणैं री रस्म है। बन्नै-बन्नी नै पाट माथै बेठाणैं री इण सुभ वेळा माथै पाट दस्तूर रै गीतां साथै ओ गीत भी गायो जावै। इण दिन सूं लेय'र ब्याव वाळै दिन तक रोजीना बन्नै अर बन्नी रै पीठी भी लगाई जावै। ईं गीत रा बोल इण भांत है-
दमड़ा वांरा मामोसा कर लेसी, लेखो वांरी मामीसा कर लेसी।
सुण सुण रे जोधाणे रा तेली, घाणी पीड़ो केसर नै किस्तूरी। मांय घालो मरवो नै जावत्री।
ओ तेल फूल बनी रे अंग चढ़सी ओ तेल फूल बनी रे अंग चढ़सी
दमड़ा वांरा बीरोसा कर लेसी, लेखो वांरी भाभीसा कर लेसी।
