हाल ओळखू हूं
पीड़ रो उणियारो
कोनी पड़ी मोटी
म्हारै गीतां री दीठ
हाल है सबदां री-
चिमठी में साच
मती अपड़ा मनै
कलम री ठौड डांगड़ी,
ओज्यूं साव काचो है
थारो ‘भोग्योड़ो जथारथ'
थाळी' र माचो है
खाली उपलब्धि,
जिनगानी कोनी रखेल
ओ मोटो तथ
भूलगी सुवाद रै लारै हूँ'र
थारी अधभोळी सिंग्या
थरप्या हा घणी चिंतणां स्यूं बडेरा
मिनखाचारै रा सासता मोल
तूं कर मुंई सिरजणा
मांड मजल मारग में
कुंआरा खोज,
कोई क्यूं करसी अखेज?
पण मती काट
सिरैनांव रा नादीदा
सळू सट्टै दूजती भैस।
