खुद रो पतियारो कोनीं
दूजां माथे निजर राखां
घरां में आग लगै
पड़ोसियां रा राज राखां।
मीठा बोळ किणीं नै ई बोळया कोनीं
जिबान माथै खार राखां।
खुदरै गरज ही जणा दोस्ती राखी
काम पड़ियो भाइलै रै आज, मुंडो आपां मोड़ राखां।
खूजां में माळ कोणी
होठां माथै बातांळाख राखां
मायनूं मैळा घणा हां
पर बारै सूं साफ लोगां।
करां कीं कोनी आपां
नैणां में सुपणां हजार राखां
बूढ़ा-बडेरां रो कोनी आपां मान राखां
लुगाइयां रै माथै आंखियां लाल राखां।
खुद रो पतियारो कोनीं
दूजां माथै निजर राखां
घरां में आग लगै
पड़ोसियां रा राज राखां।
