वौ
होवणी चावै बठै
जठै वौ नीं है
इण कारण
वौ बठै ई नीं है
जठै वौ है
वौ
मान अर अपमान री
अणदेखी करतौ
कोई कीमत
चुकावण नै त्यार है अठै
वौ होवणी चावै बठै
आपरी सगळी तिसणावां
आसावां/मंसावां
मांय उफणती/उकळती
अेकठ औकळ साथै जठै नीं है
होवणी चावै
वौ बठै
आपरा सुपना
आपरी विचारणा
आपरी अणपार कामनावां
घुटती मसौसीजती भावनावां
आपरी आदम विरतियां
हरख/उमाव/साहित/कला
आपरी संपूरण अपूरणता साथै
होवणी चावै बठै
वौ नीं है जठै
अपूरण सूं
संपूरण कानी जावण रौ भाव,
जीवण रौ सभाव
नेम
परकत रौ।
