पग-पग माथै खौफ डगर में
नागां रो उतपात नगर में
जिणनै भूल चैन सूं जील्यूं
बात बा ही पूछै बर-बर में
स्याळ्यां परख्यो जद सूरापण
नील- गाय रो नाम निडर में
श्रद्धा स्नेह न भाव चावना
कोरी फुलमाळावां कर में
बब्बर जद घर में घुसज्यावै
गादड़िया गरजै अम्बर में
सुर -पेपर अर काग-परीक्षक
सुधी कोकिला रही सिफर में
नीत - प्रीत मरजादा निठगी
कांण कायदा गया कबर में
साच मांय सांस रो बासो
सदा सो'राई यार सबर में
सेख मुरारी जोजफ सिद्धू
च्यारूं भेळा इण चौसर में
लव कह जुड़े, लड़े झट बिछड़े
सो की जाणै जस-जौहर में
हत्या जुर्म ज्यादती हुल्लड़
अै कद आसी गौण खबर में
गजलां गीत रचणियां गैला
'गजादान' कुण गिणै में हुनर
