नारी शक्ति री पैचाण
है मेवाड़ धरा री शाण
ईण रौ अमर घणौ बळीदाण
शक्ति साहस स्वाभिमान
नई नवेली बिन्दणी
राष्ट्र धरम हमझाईगी
काट आपणो शीश धणी ने
रणभूमि भिजवाई गी
मोह भँवर में फँस्या जो राणा
देशभक्ति वतलावा ने
व्है गी देश पे कुर्बाण
वीरता री वण गी पैचाण
हाड़ी राणी थे महान।
नारी शक्ति...
राज कुँवर री धाय बनी
धाय रो धरम निभाई गी
बळीदाणी दे लाल री
वंश राज रो बचाई गी
राष्ट्र धरम सो धरम न दूजौ
सगळा ने हमझावा ने
व्है गी थारी ओळखाण
स्वामी भक्ति री पैचाण
जय हौ पन्ना धाय महान
नारी शक्ति री...
खिलजी जद चित्तौड़ पे
ललचाई नजर गड़ाई
सगळी राण्या हाते लै
जौहर कर सति कै वाई
सत की लाज बचावण ने
व्है गी सतियाणी जहान
जय हो छत्राणी महान
शक्ति साहस री पै चाण
