बो भोळो-भाळो म्हारो बाळपणो कठै गयो?
खाटी-मीठी गोळी?
आम रो चूरण गयो
बरफ रा गोळा
दस पीसा पचास पईसां री बातां कठै गयी
बो भोळो-भाळो म्हारो बाळपणो कठै गयो?
सतोळी अर गड्ढा गया
गिल्ली अर डंडा गया
डरतां-डरतां दादोसा सूं
धोरै माथै लुकणो कठै गयो
बो भोळो-भाळो म्हारो बाळपणो कठै गयो?
आखातीज रो खीच-गळाणी
सांगरीयां रो साग अर सोगरो
होळी-दीवाळी रा रामा-स्यामा
कबड्डी रो खेड़ो कठै गयो
बो भोळो-भाळो म्हारो बाळपणो कठै गयो?
नींबड़ै री छांव
पीपळियै रा गीत
कैरां सूं रातां ढालूड़ा कठै गया
बो भोळो-भाळो म्हारो बाळपणो कठै गयो?
नींबड़ै री छांव
पीपळियै रा गीत
कैरां सूं रातां ढालूड़ा कठै गया
बो भोळो-भाळो म्हारो बाळपणो कठै गयो?
चिमनी री बाटां गयी
अेक थाळी री रीत गयी
लाइटां रै उजास में
बो प्रभाती दिवलै रो उजास कठै गयो?
बो भोळो-भाळो म्हारो बाळपणो कठै गयो?
