मैं गीत प्रीत रा गाऊं
कदे मैं गीत मीत रा गाऊं
मैं बादल बण आभै रै मांयी
उमङ घुमङ धरङाऊं
म्हारै मनङै रा भाव जगाऊं
मैं गीत प्रीत रा गाऊं
सांवण री रुत अलबेली
मन भावै जूही चमेली
मैं बागां बागां कलियां कलियां
अलि बणियो मंडराऊं
म्हारै मनङै रा भाव जगाऊं
मैं गीत प्रीत रा गाऊं।
म्हारो मीत सुहाणों लागै
म्हारी प्रीत लहर सूं आगै
म्हारो मन आभै रो चांद चांदणी
ज्यूं मन मैं मुळकाऊं
म्हारै मनङै रा भाव जगाऊं
मैं गीत प्रीत रा गाऊं।
