आवैली मन में कदै पिलाण री
कुण जाणै हो पाडां-रै
आवैली मन में कदै उड़द री
कुण जाणै हो ऊंठां रै...॥
आवैली मन में कदै हौदे री
कुण जाणै हो घोड़ा-रै।
आवैली मन में कदै सींगां री
कुण जाणै हो गधीयां-रै...॥
आवैली मन में हाथी बणण री
कुण जाणै हो मूसां-रै...॥
आवैली मन में सिंघण बणण री
कुण जाणै हो मिनड़्यां-रै...॥
आवैली मन में गाय बणण री
कुण जाणै हो बकर्यां-रै।
आवैली मन में धाय बणण री
कुण जाणै हो झोट्यां-रे॥
आवैली मन में बाळद बणण री
कुण जाणै हो गोधां-रे।
आवैली मन में बिंणज करण री
कुण जाणै हो साधां-रै...॥
आवैली मन में हंस बणण री
कुण जाणै हो बुगलां-रै।
आवैली मन में कोयल बणण री
कुण जाणै हो कागां-रै...॥
आवैली मन में बाज बणण री
कुण जाणै हो चीलखां-रै।
आवैली मन में काळ बणण री
कुण जाणै हो बिछूआं-रै...॥
छींक घेटिया घणी करै बांनैं
कुण सुणबाळो खोड़ां-रै।
मांग-भीख अै भरसी भण्डारा
कुण जाणै हो धणियां-रै...॥
आवैली मन में कदै पिलाण...॥
