जग रूस्यां म्हैं, धारूं कोनीं।
पण तूं रूस्यां, कर्म-री-बात है॥
जैठ-आषाढां री, तपती लूवां।
चोटी सूं एडी तांई, पाणी चूवां॥
हाड-मांस, बांठा-फोगां लगावां।
नित नुवाँ गीतड़ला, हियै बिलमावाँ॥
सूखै-खेतां, बुजै-बुजै, पाणी री प्यास।
घणघोर घटावां छावै जद बरसणरी आस॥
सावण-भादौ, मोत्यां ज्यों बरस्यो।
सुगन मनावतां बाळदियै रै, हळ जोय्यो॥
हंस हंस खेतड़ला, सामै आवण लाग्या।
टाबरियां काचर-बोर-मतीरा, खावण लाग्या॥
