जलम सूं लेय'र मिरतूं तांई
चालै है आ जातरा
मिलै घणांई जणां ईण जातरा में
पण बिछड़ता ई जावै
इण जातरा मांय कोई
कदैई पाछा सांमी नीं आवै।
बणता रैवै रिस्ता अपणायत रा
कै हेत प्रीत रा
अर टूटता ई रैवै
नद धार ज्यूं
चलती रैवै आ जियाजूंण
इण जगत में
अर इण धार सूं
कोइ छूटता ई रैवै।
चालतां-चालतां तप जावै
मिनख री पगथलियां
अर लगोलार
लारै छूटती जावै पगडांडीयां
जीयाजूंण ई नीं
पीढ़ियां तांई खप जावै
आखर रै सागै
गूंथियोडी़
म्हारी आ जातरा
जलमां अर जूंणां नै नीं
हेत-प्रीत नै जाणै
म्हैं उण सारू ई जीवूं
म्हांरी आन्ख्यां दीठी
इण जीयाजूंण री जातरा में।
