जीवण अेक सड़क री माफिक

जिण मांय जगां जगां

खाडां-खोचरां

उण सूं बंचता बंचता नीसरा

अेक नै टाळां तौ दूजौ

आज्यावै

सड़क रै अेक कानी

बोल बाला चाल्यां जावां

किनारै खाडौ आयां

सड़क रै बीचूं बीच

चालणौ पड़ै

जद आगै जाय’र

लारै झांखां तौ

इंया लागै ज्याणी

जिनगाणी खाडां-खोचरां

टाळ क्यूं ही कोनी।

स्रोत
  • पोथी : आंगणै सूं आभौ ,
  • सिरजक : आरती सिंह ,
  • संपादक : शारदा कृष्ण ,
  • प्रकाशक : उषा पब्लिशिंग हाउस ,
  • संस्करण : प्रथम
जुड़्योड़ा विसै