इचरज अब इचरज कोनी रैयो
म्हैं आं दिनां इचरज गी भाळ में हूं
काळा काम, हथियार
अर
फुकरापंती गो झूठो दरसाव दिखांता लोकल गायक
इंस्टा रील पर आधी नागी नाचती छोरी
मां भासा गो मजाक बणांता हंसौड़
कलाकारां में गिणिजै
बेटैम पाक गे बूढ़ा दीसता नूंईं उमर गा जवान
प्रेम री महान
अर
पवित्र संस्कृति री जिग्यां लेंतो
हुक-अप अर शुगर डैडी कल्चर
चिट्टै गी लपट में मरतो ओ स्हैर
धुड़कतो
अब छेकड़ली सांस लेवै।
