होळी खेली रै रंगां री होळी रळमिळ खेली रै
होळी खेली रै
भांत—भांत रा रंग—बिरंगा खेल—ख्यालां खेली रै
होळी खेली रै
तबीयत हरी, काळजो तर अर हरी भंग चढगी ऊंडी
चंग बजातो देवर चम्पो, भावज बणी चमेली रै
होळी खेली रै
हर्यो बैंगणी ओढ पोमचो, चोली सुरख सुगन वाळी
सतरंगो घाघरियो पैर्यो, दे धचको, नई नवेली रै
होळी खेली रै
लाल होंठ अर गाल गुलाबी, केसरबरणी मरवण रै
नौरंगी—चौरंगी होगी, ढोलो बांथ्यां में ले ली रै
होळी खेली रै
