पईशा आली नै दुक वोरवु,
नै पाणी पी नै घोर खोरवु,
ई काम वईं रईनै केंम करवु?
वरवा वारा नुं वरे नै -
वेस में भंडारी पेट कूटे।
पण खा दे तो डूँगरो ए खूटे
आक्के ला लागी है हूँ करवु?
एक ठेकणे दुक होय तो इलाज कर्ं,
आँय तो वार-वार में फोल्ला थई ग्या हैं,
एक भगवन् होय तो पूजाए कर्ं,
अवे तो घोर-घोर में गोल्ला थई ग्या हैं;
देकी-देकी में आपड़ू माँतु केम खराब करवु ?
पईशा आली में दुक वोरवु,
नै पाणी पी में घोर खोरवु,
ई काम वई रईनै केम करवु?
