दीवाळी आवै
आवै गवरजा
टाबरां भेळो छोडै पटाखा
आभै साम्हीं आंख्यां करतो
दादा! ताजियां देखण हालो
लड्डू जिद करतो
चालो ताजियां कनै फोटू खिंचावो
आवण दे ताजिया
फेर चालसां दादा-पोता
म्हैं नीं जाणूं
चंदा मामा देखो
दादा ताजिया नीं ले जावै
ढळती सिंझ्या
टाबरां री टोळी रो सिरदार
बणयो लड्डू
अबरी अर गत्ता
आटै रो गोंद
छानै-छानै कर लीना भेळा
बुलाया तारां नैं टोळी मांय
चमकती बिजळी
आभै री देखरेख
बणाय लीना ताजिया
बगेची री टेबल माथै
चमकता ताजिया
लड्डू री टोळी री रूखाळी
बगेची रै बारणै , फूलां रा गमला
थाळी अगरबती अर प्रसाद
फोटू खिंचावती
टाबर टोळी ताजियां आगै।
