Quick Links

नहीं भरथरी

नहीं पींगळा

नीं राजा नीं राणी-

बोल माछळी कित्तो पाणी?

हिरणाकस अर

नहीं होळका

नीं भगती री बाणी-

बोल माछळी कित्तौ पाणी?

नीं हरीचंद

जो सत री ठाणी

तारामंत नीं जाणी

बोल माछळी कित्तौ पाणी?

भूल्या किसन

बिलमगी राधा

बिसरी ततब कहाणी-

बोल माछळी कित्तौ पाणी?

धरम ऊठियां

राम रूठियां

बची माछळी स्याणीं-

बोल माछळी कित्तौ पाणी?

स्रोत
  • पोथी : सागर पांखी ,
  • सिरजक : कुन्दल माली ,
  • प्रकाशक : कवि रै हाथां चुणियोड़ी