किस्तां में मरतै जुग मांय
हवाई कोट बरणावण
अर सपना रा घोड़ा दौड़ावरण सूं
चोखौ व्हैला
आपां चाल पड़ां अठं सूंअळगा
जिका हालात बदळ सकै
वै ई बदळ सकै
किणी रौ भाग !
नीं जिका मिमियावता रैवौ
अर खवावता रैवौ
वां डकरैल कुत्ता नै
आप रै डील री नरम बोटियां!
बदळणौ पड़सी
जुग रौ औ दस्तूर
समझणौ पड़सी
मुडदा लोग कीकर राज करै
जीवतां माथै !
बगत कदई ऊंधौ नी चालै
फगत जरूरी है
इगर मिजाज नै लखणौ
बनिस्पत के
नखां नै कुचरणौ।
