आ धरती उजळा धोरां री
सारस कुरजां अर मीरां री।
बीकाणो नगर तिंवारां रो
नागौर चिमकणां नारां रो।
उदयपुर शहर है झीलां रो
जोधाणों गढ अर किलां रो।
जैपर है नगर नगीणां रो
जैसाणों ऊंचा टीलां रो।
अजमेर पड़ोसी पुष्कर रो
ओ देस रंगीलो मरुधर रो।
आ धरती उजळा धोरां री
सारस कुरजां अर मीरां री।
सांचोर दुधारू गायां रो
पिलाणी शहर पढायां रो।
सीकर है जीण भवानी री
झुंझणूं दादी महाराणी री।
ओ नगर मेड़तो मीरां रो
रुणीचो रामा पीरां रो।
खाटू है लखदातारी री
सालासर बजरंग बाला री।
आ धरती उजळा धोरां री
सारस कुरजां अऱ मीरां री।
आ मारवाड़ मेवाडी री
हाडोती शेखावाटी री।
आ केर कुमटिया ढालू री।
मुखमल सी माटी बाळू री।
कोटा नगरी उध्योगां री
मेणतकश मूंघा लोगां री।
लूणीं चंबल री धारा री
आ नितरा तीज तिंवारां री।
पदमणियां पन्ना मीरां री
आ जलमभोम रणवीरं दी।
केशरिया केशर क्यारी सी
आ मायड़भौम तिवाडी री।
म्हैं इणनें और निखारांला
तन मन धन इणंपर वारांला।
आ धरती उजळा धोरां री
सारस कुरजां अर मोरां री।
