1
लाय है लाय
आंसुवां सूं नी बुझै
मन में लागी
2
कथगी मीरां
प्रीत-गीत फूल नीं
खीरा ई खीरा
3
रोजीना राड़
कांटा हुवै तो कांई
आछी है बाड़
4
टूटयोडो पंख
देख'र रोवै, कैवै-
म्हैं भूलग्यो आभो
5
अबै पींजरो
दाणां सटै गमायो
आभै रो सुख
6
आडो तो खोल
भोर बीनणी लायी
उजास हांती
7
व्है क्रोंच वध
फूटै कोनी कविता
भाट्ठो है मन
8
आंख नै आंख
होळै-सी पूगा देवै
मन री बात
9
इत्ता कंवळा
आखर कथै साच
इत्तो करड़ो
10
गयो सो गयो
पाछो कुण आवैला
बगत का म्हैं
