री अब रीत पुराणी कोनी
कोई राजा राणी कोनी
चिड़्यां चूण चुगण ने तड़फै
बानै चूंच तुड़ाणीं कोनी
मारग चाल्यां पावे मंजल
फिरणूं गाणीमांणी कोनी
पंडत जी रे तेल पळापळ
घर तेल्यां रे घाणीं कोनी
नित बदकार बहू नै बोले
सासू भी तो स्याणीं कोनी
एक टके री फूटी हांडी
तो भी जात पिछाणीं कोनी
टाबर लाई खाय कुरकरा
गावाँ में गुड़ धाणीं कोनी
गोचर ताल अँगोरां दबगी
नाडुल्यां में पाणीं कोनी
गायां री सेवा कर गोकळ
हळ भ्हाबा में हाणीं कोनी
