Quick Links

जिनगी में पग-पग रोड़ा

बोझ घणो, मरियल घोड़ा

बागां मांयै रसोई बोल दी

लोग घणा, साधन थोड़ा

झालर बाजगी मिंदर में

दरसणां में व्हैग्या मोड़ा

ऊंचा बोल बोलनै फंसग्या

खूंझ्यो खाली पड़ग्या फोड़ा

आ मैंगारथ मार्‌या सै नै

खाण-पीण रा पड़ग्या तोड़ा

स्रोत
  • पोथी : राजस्थली ,
  • सिरजक : विनोद सोमानी ‘हंस’ ,
  • संपादक : श्याम महर्षि ,
  • प्रकाशक : मरुभूमि सोध संस्थान राष्ट्रभाषा हिन्दी प्रचार समिति, श्रीडूंगरगढ़