कुण जाणै-कुण ताणै-म्हारा बीरा
कुण सींचै-कुण पींचै।
कुण पींचै-कुण सींचै-म्हारा बीरा।
आंधा आंख्या खोल देख ले
डाबर नैणा तरसै–
खरणी करिया खेत टाळ दे
ऊजड़ में जा बरसै–
बादळिया बदमास घणा है
घाल बांथ में भींचै।
तोड़ बगा दे आज दावणा
आंख हियै री खेल पावणा
जाग जुगत कर सीख समरी
मत ना-पड़जै नीचै।
मत ना आंख्या-मीचै।
काम करतां फळ हीणा क्यूं
काया घट में सोतीणा क्यूं
बोदी दगली लीर-लीर है
डोरां नै मत खींचै।
कुण सींचै कुण पींचै
म्हारा-बीरा
कुण ताणै-कुण जाणै।
