कोयलङी पिव-पिव बोलै राज,
आओ म्हारा बालमा
म्हारो जीव हिंडोलै डोलै आज,
आओ म्हारा बालमा
थोङो सो खटको सुणु तौ
निजरां इत उत डोलै
म्हैं घङी-घङी रस्तो जोवूं राज
आओ म्हारा बालमा
फर-फर करती उङै चूनङी
सरर-सरर लहरावै
बायरियो, झीणौ बाजै आज
आओ म्हारा बालमा
कङङ-कङङ कर बीजळी खींवै
रिमझिम बरसै बरखा
आ बदळी, झिरमिर बरसै राज
आओ म्हारा बालमा
नथणी म्हारी इत-उत डोलै,
चूङी खण-खण बाजै
पायलङी सोर मचावै राज
आओ म्हारा बालमा
थांणै सागै रात अमावस भी
पूनम ज्यूँ लागी
हमै चटख, चांदणी खावै आज,
आओ म्हारा बालमा।
