जेठूड़ै में मिरगा पिया गैल गया जे
हां रै बीरा षाढूड़ै में बरस्यो गाढो मेह, धरती सारी गरणाई ओ जे
टोरड़ा खड़्या-खड़्या गूंज रैया जे
हां रै बीरा धरती में बोवो बीज
षाढूड़ै में हळीयो थे बाइयो जे
हाथां गी रखड़ी बेबे मेरी बणाइयो जे
हां अे कोई ऊंटा गा पूंचिया बणाय खेत बावण नै मां मेरी मैं जाऊं अे
खेत बांवता भीजै ओ टोरड़ा जे
हां अे मेरो बीरो भीजै हळियै गैल
खेत बावण गी रुत आ गई जे
हळियो जोड़्यो कर्यौ बीरो बांयतौ अे
हां अे मांई काकड़ मतीरां गा बीज खेत सारो बीरै बाइयो जे
धरती में हरियाळी छाई ओ जे
हां अे कोई झीणी चालै ठण्डी बाळ
काम करण गी रुत आ गई ओ जे।
(संदर्भ – जेठ रै बाद आषाढ म्हीनै री पैली बिरखा पछै खेत बीजण री त्यारी करती बखत गावण वाळो गीत)
