आज नै उतरियै मंईनां
होवै धूंधळौ पणिहारी जी री हेलो
ओ मिरगानैणी जी री हेलो
मोटोड़ी छांटां रौ बरसै मेह
वाल्हा जोय!
सात रे सहेलियां रौ झूलणौ
पणिहारी जी री हेलो
पाणीड़ै नों चाली पणिहार
वाल्हा जोय!
अंगड़ो मोड़ै नै
घड़लो/बेड़लो अरे उखण्यौ
पणिहारी जी री हेलो
तूटी म्हारे बाजूड़ां री लूंब
वाल्हा जोय!
हेके रे ओठीड़ै मंईनां
इयां रे कह्यौ रे सुण साथी म्हारा रे
ओठीड़ा म्हनां बेड़लियो उखणा
वाल्हा जोय!
घड़लो नीं डूबे
म्हारी गागरी पणिहारी जी री हेलो
हिंडाणी म्हारी तिर-तिर जाय
वाल्हा जोय!
काळौड़ी रे कांठळ संइयां
अरे ऊपड़ी पणिहारी जी री हेलो
ओ मिरगानैणी जी री हेलो
मोटोड़ी छांटां रौ बरसै मेह
वाल्हा जोय!
