हाथां गै बांधो अे नणदी कांगणा
ओढ़ो नी दिखणी गो चीर
बग जाइये नणदी सासरै
बग जाइये नणदी सासरै ओढ़ो नी दिखणी गो चीर
पाड़ बगा द्यूं अे भावज चूंदड़ी
पाड़ बगा द्यूं अे तेरो चीर बनों में मीरा अेकली
इसी के अे मीरा बाई सत गी
म्हानै दीखा द्यो भगवान बनों में मीरा अेकली
अेक बन चाली अे मीरा दो बन चाली
तीजै में अे तो पैर थकी बनों में मीरा अेकली
तेरै धूणै में बाबा जळ गे मरूंगी
म्हानै दीखा द्यो भगवान बनों में मीरा अेकली
कण तनै बोल्या अे मीरा बाई बोलणा
कण थानै काढ़ी घर से बाहर बनों में मीरा अेकली
भावज बोल्या ओ बाबा बोलणा
भावज बोल्या ओ बाबा बोलणा बीरां नै काढ़ी घर से बाहर
बीरा नै काढ़ी घर से बाहर बनों में मीरा अेकली
ग्यारस गी रैइयो मीरा बाई बरतणी
बारस गा रांधो उजळा चावळ
तनै घर पर मिलज्या राम जी
बारस गा रांधो उजळा चावळ बारस नै मिलसी रामजी
आओ अे भावजों जीम ल्यो घर पर आया भगवान
घर पर आया भगवान बनों में मीरा अेकली
भली अे कैवाइये मीरा लाडली
म्हानै दीखायो भगवान बनों में मीरा अेकली
म्हानै दीखायो भगवान बनों में मीरा अेकली।
(संदर्भ – भगवान री माधुर्य भाव री भगत मीरा रो आपरै परिवार रै संताप सूं मुगती सारू बन में जावणो)
