वारी जाऊं रे
बलिहारी जाऊं रे
म्हारा सतगुरु आंगण आया
मैं म्हारी वारी जाऊं रे
सतगुरु आंगण आया
गंगा-गोमती नहाया
म्हारी निरमळ होगी काया
मैं वारी जाऊं रे
सब सखी मिलकर हालो
केसर तिलक लगावो
घणै हेत सूं लेवां बधाए
मैं वारी जाऊं रे
सतगुरु दरसण दीन्हा
मेरा भाग उदय ही कीन्हा
करम-भरम सब सीन्हा
मैं वारी जाऊं रे
सत्संग बण गी भारी
मंगळा गाऊं चार ही
मेरी खुली हिरदय की बारी
मैं वारी जाऊं रे
दास नारायण जस गायो
चरणां में सीस नमायो
मेरे सतगुरु पार उतारे
मैं वारी जाऊं रे
वारी जाऊं रे
बलिहारी जाऊं रे
म्हारा सतगुरु आंगण आया
मैं म्हारी वारी जाऊं रे
म्हारा धनगुरु आंगण आया
मैं म्हारी वारी जाऊं रे
