केसरियो तिलकाणौ रे
हे म्होंरा रे बन्ना मारूड़ा
हांजी रे थां तो डोढो रे
रंगड़ो पो बिखेरियौ
राजे म्होंरा राज
आवतड़ा रे जाणो तो रे
हे म्होंरा रे बन्ना मारूड़ा
हांजी रे थांनों साम्हीं
रे दासी/हेली पी मेलां
राजे म्होंरा राज
सीसै रौ धुमालौ रे
हे म्होंरा रे बन्ना मारूड़ा
हांजी रे थांरै आछे रे
फुलड़े पो सायो
राजे म्होंरा राज
माताजी जग जीवै रे
हे म्होंरा रे बन्ना मारूड़ा
हांजी रे थांरां घोळ्या रे
पाणीड़ा पा पीवै
राजे म्होंरा राज
नाकड़ले री डांडी रे
हे म्होंरा रे बन्ना मारूड़ा
हांजी हमें निक्कमे रे
बेसै पी मांडी
राजे म्होंरा राज
थोड़ो सो रे कह्यौ तो रे
हे म्होंरा रे बन्ना मारूड़ा
राजे रे थांनों जाजो रे
करै हमें मान्या
राजे म्होंरा राज
