तन्नै क्यांकौ फिक्कर लाग्यो छोरा रामधनिया।
तूं माड़ो कैयां होगो छोरा रामधनिया।
तेरै दो-दो भायां की जोड़ी छोरा रामधनिया।
तेरै चढ़बानै दो-दो घोड़ी छोरा रामधनिया।
तेरै दो-दो भैंस्यां छोरा रामधनिया।
तेरै च्यार-च्यार गायां दूजै छोरा रामधनिया।
तूं काळो कैंयां पड़ग्यौ छोरा रामधनिया।
तेरै दो-दो भावज कमावै छोरा रामधनिया।
तेरै दो-दो ऊंट लदीजै छोरा रामधनिया।
तेरै ऊंचै चौक तिबारी छोरा रामधनिया।
