अेरी जके गा भरोटा ल्याई मनै आई पाई बैल में
मैं धम दे भरोटा गेर्या मेरा थर्र्र् कांप्या गात
नाई गा बुलावा दे द्यो बेटी सिर धो ले हो ले त्यार
मेरी माता चूरै चूरमा मेरी भावज करै अे कसार
मेरी काकी ताई रळगै मनै बैली में देई अे बिठाय
म्हारी सींव में सें नीकड़ी बादळ नै ठा लिया जोर
कोई मेहा बरसण लाग्या, कोई बरस्या मूसळधार
अरे रे मेरी तो कंसूबल भीजै झोळै में खांड कसार
बळदां गी जोड़ी भीजै चिरवाळै गा हर्या अे रुमाल
कोई मेरा झोळा ले ल्यो चिरवाळै गा हर्या अे रुमाल
में म्हारी सींव में बड़गी मेरी नणदल भाजी आय
मेरी सासू उतारण आई मैंने चरण लिये छुछकार
मेरी सासू थापी लगाई तेरा जींवता रैहो परिवार
तेरा जीवो भाई अे भतिजा तेरा खुश रैहो परिवार।
(संदर्भ – बेटी रै सासरै सूं उणनै कोई लेवण नै आवै उण बखत गावण रो गीत)
