आगै-आगै कोतल घोड़लो
लारै बन्नी सा रौ रथड़ो राज
म्हारोड़ै आंगणियै में
आप पधारो बींदराजा
आंगणियै में ऊभा भंवर सा
सोळह सूरज ऊगा राज
सोने री छड़ियां में
तोरण बांधो बींदराजा
गैणला थांरो भाभोजी मोलावै
अबै घर आवो लसकरिया राज
म्हारोड़ै आंगणियै में
आप पधारो बींदराजा
साळूड़ा थांरो मामोसा मोलावै
अबै घर आवो लसकरिया राज
म्हारोड़ै आंगणियै में
आप पधारो बींदराजा
चुड़ला थांरो काकोसा मोलावै
अबै घर आवो लसकरिया राज
म्हारोड़ै आंगणियै में
आप पधारो बींदराजा
आगै-आगै कोतल घोड़लो
लारै बन्नी सा रौ रथड़ो राज
म्हारोड़ै आंगणियै में
आप पधारो बींदराजा
