हाजर ऊभा रेस्यां राज
म्हे तो रोंसीले बनड़े नों जोसां
अरे हांजी रे दुसालो
म्होंरे बाड़ी रे भंवर रो
हाजर ऊभा रेस्यां राज
थोड़ो सो कह्यो तो
अरे थां तो जाजो करै हमें मानो
जग जियो रे दुसालो
म्होंरे आलिले भंवर नों
हाजर ऊभा रेस्यां राज
कानां रा गजमोती
थांनां आडै घूंघट जोती
जग जियो रे दुसालो
म्होंरे बाड़ी रे भंवर रो
हाजर ऊभा रेस्यां राज
आंखड़ियां रौ पाणी
बन्ना झीणै केसर छांणी
ओ दुसालो रंगभीने रौ
हाजर ऊभा रेस्यां राज
नाकड़ले री डांडी
बन्ना साम्हे सूरज मांडी
ओ दुसालो रंगभीने रौ
हाजर ऊभा रेस्यां राज
ओ दांतां री बतीसी बन्ना
धण नों प्यारी लागै
ओ दुसालो रंगभीने रौ
हाजर ऊभा रेस्यां राज
आंगणियै जद ऊभा
बन्ना सोळह सूरज ऊगा
ओ दुसालो रंगभीने रौ
हाजर ऊभा रेस्यां राज
