हूं मरां दूध मों डूब
हूं मरां जळेबे खाय
गमगयी हिंडाणी
आठ कपड़ की हिंडाणकी
म्हारे नव लाख री लूंब
हूं मरां जळेबे खाय
हूं मरां पतासा खाय
घणा दिनां सां खामद आयो
रुपियो लायो हेक
दिये चांनणै जोए लियो
मंईनों तांबे री मेख
गमगयी हिंडाणी
हूं मरां जळेबे खाय
हूं मरां पतासा खाय
हिंडाणकी रे कोड मों
म्हांरो खामद चढ़ियो तोड
भांग्यो सासूजी रौ भोड
गमगयी हिंडाणी
हूं मरां जळेबे खाय
हूं मरां दूध मों डूब
सात जीम्या सोगरा नै
तीन तहता राब
बडै जेठ सां लाज करां
जीमां पूरा सात
गमगयी हिंडाणी
हूं मरां ताल रे पार
हूं मरां जळेबे खाय
झूल-झूल हूं तळाव गयी ती
हुई हिंडाणी री बात
अरे सासू-बहु रे झगड़ो लाग्यो
बुगचे मंईनो हाथ
बुगचे रा टुकड़ा चार
सासूड़ी रे मेदां मोंय
नणदल रे कबजे मों
गमगयी हिंडाणी
हूं मरां ताल रे पार
हूं मरां जळेबे खाय
