बींटी म्हारे सोने री हवती
बींटी रूपे री हवती
दो दिन चिटूड़ी में रैवती
दो दिन जेबां में रैवती
बींटी म्हारे जीव री जड़ी
बींटी नों भूलां नीं घड़ी
मुखड़ै बोलो नीं बन्ना
कोंकर बोलां बन्नी
मुखड़ै पांन री बीड़ी
हीरा लाल सां जड़ी
कपड़ा कोटन रा हवता
दो दिन पैरण मों रैवता
दो दिन फैसन मों रैवता
दो दिन पेटी मों रैवता
रेडीड़ा झिरमिट रा हवता
तारां ताम्बे री लगती
सैल सोने रा लगता
दो दिन गाणां मों रैवता
दो दिन खबरां मों चलता
रोड़वेज सड़कां पर चलती
हवाई जहाज अकासां उड़तो
बींटी म्हारे सोने री हवती
बींटी रूपे री हवती
कब्जा कोटन रा पैरौ
साड़ी सिळपट री ओढो
मुखड़ै बोलो तो खरी
बींटी म्हारे सोने री हवती
बींटी म्हारे जोधाणै घड़ाई
नगड़ा बाढाणै लगाया
दो दिन चिटूड़ी में रैवती
दो दिन जेबां में रैवती
