रमेवा रंगू ऊभ अंगू वेष चंगू पैपरंग
चूड़ी भळक्कू चीर ढक्कू पाव खळक्कू नेचरंग
सोभा अपारंग सणगारंग ब्रेह मारंग ब्रम्मये
साते सऊंवांणी आप बांणी माढरांणी रम्मिये
देवी माढ राणी रम्मिये॥
ओछाड़ ऐवा तन्न तेवा गवर देवा सोहियंग
कुड़क्क रतनं कनक कनगं, मुर भवनं मोहियंग
विरदात वैणां विरच्चैणा भलै नैणा भ्रम्मये
साते सऊंवाणी आप वांणी माढरांणी रम्मिये
देवी माढ राणी रम्मिये॥
कमरांस कसंग तांन तसंग ऊरहिर रसंग ओपीयंग
हीरा जड़त्तंग चूड़ हत्थंग जोस अत्तंग जोपीयंग
हींडोळ हारं नवसारं ध्रुवं तारंग ध्रम्मये
साते सऊंवाणी आप वांणी माढरांणी रम्मिये
देवी माढ राणी रम्मिये॥
बोहरूप वाळी विरद्दाळी मिळे ताळी मालीयंग
हूंकार होडूं खेल कोडूं लूम्ब लोडूं लालीयंग
लळ धरा लग्गूं पाव करगूं न्रत अग्गूं नम्मियै
साते सऊवांणी आप वाणी माढराणी रम्मिये
देवी माढ राणी रम्मिये॥
सोलेतरजंग कळा सरजंग नैणा करजंग निरमळंग
च्यारै ही खडंग मेळ मडंग बेळ डडंग व्रिमळंग
सोहे जवाळंग सिक्खराळंग उज्जवाळंग अम्मिये
साते सऊवांणी आप वाणी माढराणी रम्मिये
देवी माढ राणी रम्मिये॥
धर पाव धम्मां सुध रम्मा होय हम्मां हक्कहे
भुज सोळे भ्रम्मां घूमरम्मां डम्म डम्मा डहक्कहे
गाजे गिरम्मा घूघरम्मां घूंम घूमां घम्मये
साते सऊवांणी आप वाणी माढराणी रम्मिये
देवी माढ राणी रम्मिये॥
हो हाक हक्कू हथ्थड़क्क खड़ खड़क्कू खग्गहे
कांधो कड़क्कू कूरमक्कू भार जक्कू भग्गहे
त्रीभू टळक्कू च्यार चक्कू हो ध्रमक्कू ध्रम्मिये
साते सऊवांणी आप वाणी माढराणी रम्मिये
देवी माढ राणी रम्मिये॥
आरती अम्मर ढळे चम्मर मेघडम्बर छत्र है
माळाह मूलंग कंठ झूलंग कळी फूलंग नेत्र है
सोरंभ आसंग मुक्ख वासंग अंतरासंग अम्मिये
साते सऊवांणी आप वाणी माढराणी रम्मिये
देवी माढ राणी रम्मिये॥
झालरा झणणं चंग चंणणं भेर भंणणं बू भळंग
संखनाद संणणं फणंत फंणणं गैण गंणणं भूगळंग
तारास तंणणं राग रंणणं बोल बंणणं बम्मिये
साते सऊवांणी आप वाणी माढराणी रम्मिये
देवी माढ राणी रम्मिये॥
तारंग सिल्ला चढे चिल्ला तोम डिल्ला तोहीयंग
कर केळ किल्ला खिलखिल्ला हिल मिल्ला होईयंग
जळ हर उजल्ला थांनथल्ला त्रैमड़ल्ला तुम्मिये
साते सऊवांणी आप वाणी माढराणी रम्मिये
देवी माढ राणी रम्मिये॥
