#Anjas #anjasmahotsav राजस्थान में ब्याव सूं जुड़्योड़ी न्यारी-न्यारी रीत-रिवाजां है अर उणां रा न्यारा-न्यारा ही गीत है। ब्याव सूं केई दिन पैली बिनायक (बान) बेठाणैं वाळै दिन बन्नै अर बन्नी नै पाट माथै बेठाणैं री रस्म है। बन्नै-बन्नी नै पाट माथै बेठाणैं री इण सुभ वेळा माथै पाट दस्तूर रै गीतां साथै ओ गीत भी गायो जावै। इण दिन सूं लेय'र ब्याव वाळै दिन तक रोजीना बन्नै अर बन्नी रै पीठी भी लगाई जावै। पाट रै इण गीत में बन्नी रा बाबोसा, मामोसा, काकोसा आद घर परिवार रा सदस्यां रा नांव अर उणा सूं मखौल करणै रो जिक्र इण भांत है- अे तो मूंग मोठौं रा... अे तो मूंग मोठौं रा ढेर पड़्या अे तो मूंग मोठौं रा ढेर पड़्या। अे तो बन्नी रा बाबोसा रपट पड़्या अे तो बन्नी रा बाबोसा रपट पड़्या खम्मा खम्मा ओ बाबोसा क्यूं रे पड़्या खम्मा खम्मा ओ बाबोसा क्यूं रे पड़्या। म्हांनै बेटी परणावा रो कोड घणो म्हांनै बेटी परणावा रो कोड घणो। अे तो मूंग मोठौं रा ढेर पड़्या अे तो मूंग मोठौं रा ढेर पड़्या। अे तो बन्नी रा काकोसा रपट पड़्या अे तो बन्नी रा काकोसा रपट पड़्या खम्मा खम्मा ओ काकोसा क्यूं रे पड़्या खम्मा खम्मा ओ काकोसा क्यूं रे पड़्या। म्हांनैभतीजी परणावा रो कोड घणो म्हांनैभतीजी परणावा रो कोड घणो। अे तो मूंग मोठौं रा ढेर पड़्या अे तो मूंग मोठौं रा ढेर पड़्या। अे तो बन्नी रा मामोसा रपट पड्या अे तो बन्नी रा मामोसा रपट पड्या खम्मा खम्मा ओ मामोसा क्यूं रे पड्या खम्मा खम्मा ओ मामोसा क्यूं रे पड्या। म्हांनै भाणजी परणावा रो कोड घणो म्हांनै भाणजी परणावा रो कोड घणो। Facebook: https://www.facebook.com/anjasrajasthani Instagram: https://www.instagram.com/anjasrajasthani/ Twitter: https://twitter.com/anjasrajasthani Literature Website: https://anjas.org/ Festival Website: https://anjasmahotsav.org/ ___________________________________________________________________________________अंजस कांई? अंजस राजस्थान री कला, साहित्य अर संस्कृति रो कोस है जिणमें सामिल है— कविता, कथा, कहाणी, बातां, ख्यातां अर लोक रो फूटरापौ। आ खेचळ रेख्ता फाउंडेशन कीन्ही है। अंजस रा अंग अबार इण खेचळ रा कैई न्यारा-न्यारा अंग है: जूनौ कोस: 13वीं सदी सूं ले’र 19वीं सदी रै लिखित साहित्य रो कोस। नूवौ कोस: सन् 1900 सूं आज तांई री लिख्योड़ै साहित्य रो कोस। वाचिक परंपरावां रो कोस जिण मांय सामिल रैसी लोक कथा, लोक गीत, औखाणा, संस्मरण इत्याद। अंजस महोत्सव: राजस्थानी भासा अर साहित्य रो वार्षिकोत्सव। भविख री बाट अंजस राजस्थानी भासा रो सगळा सूं लूंठो कोस बण’र त्यार होवैला अेड़ी आसा है। ओ कोस राजस्थानी पाठक वर्ग नै पूरै रूप सूं बिन्या कोई पैसां रै सब जिग्यां उपलब्ध रैवैला। आ खेचळ कितरी सारथक होवै इण बात री साख तो राजस्थानी रो आखौ पाठक वर्ग तै करेला, पण आपरी सिमरधता रै साथै जारी राजस्थानी रो पैलो उपक्रम है।